পাতনি:
আজিৰ আমি এনে এটা বিষয়ত কথা পাতিম যিটোৰ ওপৰত আমাৰ সচেতনতা একেবাৰে অভাৱঃ বিষয়তো হল কল্ডড্ৰিংকছ বা শীতল পানীয় আৰু কৃত্ৰিম মিঠাযুক্ত ফলৰ ৰসৰ পাৰ্শ্বক্ৰিয়া।
দেখিবলৈ সতেজ যেন লগা এই শীতল পানীয় আৰু মিঠা কৰা ফলৰ ৰসৰ বোৰ প্ৰলোভনজনক, দেখিলেই খাও খাও লগা! কিন্ত ইয়াৰ ফলত হ’ব পৰা সম্ভাৱ্য বিপদৰ বিষয়ে সচেতন হোৱাটো অতি গুৰুত্বপূৰ্ণ।
” গতিকে, এই শীতল পানীয় আৰু কৃত্ৰিম মিঠাযুক্ত ফলৰ ৰসবোৰত লুকাই থকা বিপদসমূহ কি হব পাৰে আৰু শীতল পানীয় আৰু মিঠা কৰা ফলৰ ৰসবোৰৰ লগত জড়িত পাৰ্শ্বক্ৰিয়া বোৰনো কেনেধৰণৰ জানো আহক।”
ককাকলা, পেপচি আদি কলডিংক্স আৰু কৃত্ৰিম মিঠাযুক্ত ফলৰ ৰসৰ বোৰে আমাৰ শৰীৰত বিভিন্ন ধৰনৰ পাৰ্চক্ৰীয়াৰ সৃষ্টি কৰিব পাৰে। হৰ্থাৎ হৃদযন্ত্ৰ গতি বা হৃদস্পন্দন বৃদ্ধি হব পাৰে। ব্লাড পেচাৰ বৃদ্ধি কৰিব পাৰে। গাৰ বিষ হব পাৰে, শৰীৰৰ মাংস পেক্ষীৰ বিষ হব পাৰে। শ্বাস প্ৰশ্বাস জনিত বিভন্ন ৰোগ বৃদ্ধি কৰি জীৱনৰ প্ৰতি ভাবুকি আনিব পাৰে। লগতে কোষ্ঠ কাঠিন্যৰ দৰে সমস্যা সৃষ্টি কৰিব পাৰে।
এই ককাকলা পেপচি জাতীয় শীতল পানীবোৰত ২.৮ph ৰ ফচফৰিক এচিদ থাকে। ই অতি মৰাতম্মক। এই ফচফৰিক এচিদে আমাৰ হাড়ৰ ক্ষয ঘটাই অষ্টীয়পৰচিচৰ দৰে মাৰাত্মক সমস্যা সৃষ্টি কৰিব পাৰে। লগতে ই মানৱ শৰীৰত পতাচিয়ামৰ পৰিমানৰ হ্ৰাস কৰি বিভিন্ন ধৰনৰ জটিল ৰোগৰ সৃষ্টি কৰিব পাৰে।
অত্যধিক চেনিৰ পৰিমাণ:
শীতল পানীয়, যেনে চ’ডা, স্প’ৰ্টছ, ড্ৰিংকছ, আৰু মিঠা কৰা ফলৰ ৰসবোৰ চেনিৰ পৰিমাণ বেছি হোৱাৰ বাবে কুখ্যাত। অত্যধিক পৰিমাণৰ চেনি সেৱনে ওজন বৃদ্ধি, মেদবহুলতা, টাইপ ২ ডায়েবেটিছ, দাঁতৰ ক্ষয় আদি বহুতো স্বাস্থ্যজনিত সমস্যাৰ সৃষ্টি কৰিব পাৰে।
কৃত্ৰিম মিঠাই:
বজাৰত পোৱা বহুতো শীতল পানীয় প্ৰায়ে এছপাৰটেম বা চুক্ৰাল’জৰ দৰে কৃত্ৰিম মিঠাইৰ দ্বাৰা মিঠা কৰা হয়। এই কৃত্ৰিম মিঠাৰ পৰা সম্ভাৱ্য পাৰ্শ্বক্ৰিয়াবোৰ হলঃ মূৰৰ বিষ, পাচনতন্ত্ৰৰ সমস্যা, আনকি আন্ত্ৰিক বেক্টেৰিয়াৰ সংক্ৰমনও হ’ব পাৰে।
এই পানীয়বোৰৰ এচিডিক প্ৰকৃতিয়ে দাঁতৰ ইনামেল খহাই পেলাব পাৰে, যাৰ ফলত দাঁতৰ সংবেদনশীলতা, গহ্বৰ কেভিটিছ, ইনামেল ক্ষয় আদি দাঁতৰ গুৰুতৰ সমস্যা হ’ব পাৰে।
কৃত্ৰিম ৰং আৰু কেমিকেল:
ইয়াক দেখনীয়াৰ কৰি ৰাখিবলৈ অধিক মাত্ৰাত কৃত্ৰিম ৰং ব্যৱহাৰ কৰাৰ লগতে সহজতে বেয়ানোহোৱাকৈ ইয়াক সংৰক্ষণ কৰি ৰাখিবৰ বাবে পিজাৰভেটিভ কেমিকেলৰল ব্যৱহাৰ কৰা হয়। এইবোৰে দেহত এলাৰ্জি সৃষ্টিকৰিব পৰে, পাচনতন্ত্ৰৰ বিসংগতিৰ দৰে সমস্যা সৃষ্টি কৰিব পাৰে।
পানীশূণ্যতা আৰু ইলেক্ট্ৰলাইটৰ ভাৰসাম্যহীনতা:
বিড়ম্বনাৰ কথাটো হ’ল, পিয়াহ দূৰ কৰিবলৈ প্ৰায়ে শীতল পানীয় সেৱন কৰা হয় যদিও ইয়াৰ বিপৰীত প্ৰভাৱ পৰিব পাৰে। চেনি, কেফেইন বা এলকহলৰ পৰিমাণ বেছি হোৱাৰ বাবে ইহঁতে প্ৰস্ৰাৱৰ উৎপাদন বৃদ্ধি কৰি পানীশূণ্যতা সমস্যাত অৰিহণা যোগাব পাৰে। এই শীতল পনীয় কেতিয়াও পানীৰ বিকল্প হব নোৱাৰে। গৰমৰ দিনকেইটাত ৩/৪ লিভাৰকৈ বিশুদ্ধ পানী প্ৰান কৰি আপোনালোকে সদায় উজ্যীৱিত হৈ থাকিব। আপোনালোকক স্বাস্থ্য সম্পৰ্কে সজাগ আৰু সচেতন কৰি সুস্বাস্থ্যৰ গৰাকী কৰতোৱেই আমাৰ প্ৰধান লক্ষ্য আৰু উদ্দশ্য।
“যদি আপুনি এই লিখনীটো তথ্যসমৃদ্ধ বুলি ভাবিছে, তেন্তে আপোনাৰ লগতে যাতে আৰু বহুজনে এই শীতলপনীয়ৰ পাৰ্শ্বক্ৰিয়াৰ বিষয়ে জানিব পাৰে তাৰবাবে শ্বেয়াৰ কৰিবলৈ নাপাহৰিব।
DR HARIKANTA DAS.
